د بُست پوهنتون د حقوقو او سیاسي علومو پوهنځی د اداره او ډیپلوماسي څانګي او د قضاء او څارنوالي څانګي د ۱۸ دوري د مونوګراف دفاع ګاني د ژوري هئيت په حضور کي د محصلانو له خوا وړاندي سوه چي د رواني اونۍ تر پنج شنبی ورځی پوري به دوام ولري.

د پرانيستني پروګرام په پيل کي د پوهنځی رئیس نور الله عزیزي خوښي وښودل چي زده کړیالانو خپل مونوګرافونه د څېړني پر بنسټ چمتو کړي او د لارښود استادانو د لارښووني سره سم يي د مونوګراف ليکني ستندردونه مراعات کړي.

نوموړي محصلين د نورو څيړنو لپاره هم تشويق کړل او د مونوګرافونو د دفاع په بهير کي يي د ژوري هئيت د پريکړو او لارښوونو د عملي کولو سپارښتنه ورته وکړې.